മോസ്കോ: ആഗോള ആരോഗ്യരംഗത്തു പുതിയ ദിശാബോധം സൃഷ്ടിക്കുന്ന നിര്ണായക ചര്ച്ചകള്ക്കു വേദിയായി റഷ്യയില് നടന്ന ബ്രിക്സ് രാജ്യങ്ങളുടെ ടയര്-2 സമ്മേളനം. റഷ്യന് പാര്ലമെന്റിന്റെ അധോസഭയായ സ്റ്റേറ്റ് ഡ്യൂമയില് നടന്ന സമ്മേളനത്തില് വിവിധരാജ്യങ്ങളില് നിന്നുള്ള പ്രതിനിധികള് പങ്കെടുത്തു.
സമ്മേളനത്തില് ചാണ്ടി ഉമ്മന് എംഎല്എ ഇന്ത്യയുടെ അഭിമാനമായ ആയുര്വേദത്തിന്റെ പ്രാധാന്യം ഉയര്ത്തിക്കാട്ടി. രോഗചികിത്സയില് ഒതുങ്ങാതെ, മുന്കരുതല് ആരോഗ്യസംരക്ഷണത്തിലും ജീവിതശൈലീ മാറ്റങ്ങളിലുമാണ് ഭാവി ലോകം കൂടുതല് ശ്രദ്ധ ചെലുത്തേണ്ടതെന്ന് ചാണ്ടി ഉമ്മന് ചൂണ്ടിക്കാട്ടി.
സമ്മേളനത്തില് ബ്രിക്സ് രാജ്യങ്ങള് ചേര്ന്ന് പ്രിവന്റീവ് ആന്ഡ് ട്രഡീഷണല് മെഡിസിന് സെന്റര് രൂപീകരിക്കാന് തീരുമാനിച്ചു.
പരമ്പരാഗത ചൈനീസ് ചികിത്സാവിധിയും ആയുര്വേദവും ഉള്പ്പെടെയുള്ള വിവിധ രാജ്യങ്ങളുടെ പരമ്പരാഗത ചികിത്സാരീതികളെ ഏകോപിപ്പിച്ച് ശാസ്ത്രീയമായി വികസിപ്പിക്കുകയും ആഗോളതലത്തില് പ്രചരിപ്പിക്കുകയും ചെയ്യുക എന്നതാണ് ലക്ഷ്യം.
സംയുക്ത ഗവേഷണം, ഔഷധസസ്യങ്ങളുടെ ശാസ്ത്രീയ പഠനം, പരിശീലന-വിദ്യാഭ്യാസ സഹകരണം, മുന്കരുതല് ആരോഗ്യരീതികളുടെ വ്യാപനം എന്നിവയ്ക്ക് കേന്ദ്രം വഴിതുറക്കും.
E-paper LOGIN
LOGIN
